تراجع فيسبوك 5 سنوات

فى الفترة الاخيرة بدا الفيس بوك فى التراجع فى خلال 5 سنوات وهذا جعل الكثير من مستخدمين الفيس بوك فى حالة من الضيق و فى هذا المقال سوف نتعرف على سبب تراجع الفيس بوك 5 سنوات

تراجع فيسبوك 5 سنوات جرب كده اضغط على علامة الماسنجر اللي فوق ع الشمال في ابلكيشن فيسبوك الاساسي هتلاقيه بيبعتك اتوماتيكي على تطبيق الماسنجر، ولو انت مش منزله مش هيفتحلك الشات نهائي وهيجبرك تحمل تطبيق الماسنجر.. بس واضح ان مارك هيلف ويرجع تاني

فيسبوك خد خطوة ضايقت كتير جدا من المستخدمين وهي انه لغى الشات من تطبيق فيس بوك وخلاه في ابلكيشن لوحده تماما وهو الماسنجر.. طب ليه بتعمل كده يامارك؟ بتجبرنا ليه ننزل ابلكيشن تاني على الموبايل؟

كان رده ساعتها ان في مميزات كتير واوبشنز كتير جدا هتتضاف في الماسنجر مينفعش تكون على ابلكيشن فيس بوك الرئيسي ولازم تكون في تطبيق منفرد زي مثلا المحادثات الصوتية ومحادثات الفيديو والاعلانات والدفع وكل المميزات اللي اتضافت على الماسنجر من وقتها لحد دلوقتي..

طب ليه بيرجع في كلامه دلوقتي، الماسنجر واصل دلوقتي لأكتر من مليار Active users شهرياً!

كان رده انه عاوز يوفر تجربة أفضل للمستخدمين! وانه يسهل على المستخدمين بأكتر شكل ممكن طب كان فين الكلام ده من ٥ سنين؟

بس قال انه برضو مش هيضيف كل مزايا الماسنجر على التطبيق الاساسي هو بس هيرجع ميزة الشات فقط اللي هي المحادثات النصية، لكن محادثات الصوت والفيديو لو عاوز تعملها هتروح لأبلكيشن الماسنجر.

ردود فعل الناس على القرار ده كانت ايجابية جدا وكتير منهم ردو بانهم هيمسحوا تطبيق الماسنجر نهائيا بعد نزول الميزة دي!

الميزة مازالت قيد الاختبار دلوقتي، ومتوقع يتم الاعلان عنها خلال الفترة الجاية.

ياترى شايفين ليه فيس بوك ممكن يرجع ياخد خطوة زي دي تاني؟ خصوصا ان ده هيأثر بشكل كبير جدا على عدد المستخدمين النشطين على أبلكيشن الماسنجر وممكن يخسره كتير جدا!؟